Qindra njerëz janë gjobitur në Greqi, pasi kanë shkelur shtetrrethimin e vendosur nga shteti fqinj.
Sipas policisë greke, ditën e djeshme janë gjobitur 2,286 persona gjithsej. Mediat vendase bëjnë me dije se:
- 796 shkelje janë regjistruar në rajonin e Atikës,
- Selanik (281),
- Greqinë Perëndimore (207),
- Maqedoninë Qendrore (167),
- ishujt Jonianë (142),
- Kretë ( 123),
- Thesali (117),
- Epir (82),
- Greqinë Qendrore (69),
- Maqedoninë Lindore dhe Thrakë (69),
- ishujt e Egjeut Jugor (67),
- ishujt e Egjeut Verior (35)
- Maqedoninë Perëndimore (29).
Që nga dita e parë e vendosjes së shtetrrethimit, janë regjistruar gjithsej 29,141 shkelje. Policia bëri gjithashtu katër arrestime për funksionimin e paligjshëm të lokaleve të biznesit, duke vërejtur se 378 persona janë arrestuar në total që nga vendosja e masave.
Deri më tani në Greqi janë shënuar 87 viktima nga koronavirusi, ndërsa janë regjistruar 1,955 raste në total.
