Me anë të një fluturimi me charter, u riatdhesuan në Rinas 25 shtetas shqiptarë që kishin kërkuar azil në Francë. Njoftimi është përcjellë nga burime zyrtare të Policisë së Shtetit, një operacion ky që është zhvilluar në bazë të një marrëveshje me autoritetet përkatëse të BE-së.
Të njëjtat burime zyrtare shtojnë se operacione të tilla riatdhesimi, do të vijojnë edhe gjatë tre muajve në vijim.
Një apel i hapur vjen nga ana e uniformave blu ndaj të gjithë shtetasve shqiptarë, që udhëtojnë për në vendet e BE-së.
Atyre u kërkohet që të respektojnë rregullat e lëvizjes në hapësirën Schengen, dhe të mos kërkojnë azil, pasi shanset për ta fituar janë zero.
Njoftimi
Rinas – Riatdhesohen nga Lyon, Francë, 25 shtetas shqiptarë
Mesditën e sotme, me anë të një fluturimi me charter u riatdhesuan në Rinas, 25 shtetas shqiptarë që kishin kërkuar azil në Francë.
Ky operacion është zhvilluar në bazë të një marrëveshjeje me autoritetet përkatëse të BE-së, me të cilët janë bashkërenduar veprimet. Çdo grup të riatdhesuarish shoqërohet me një eskortë të Policisë shqiptare.
Operacione të tilla riatdhesimi do të vijojnë edhe gjatë tre muajve në vijim.
Policia e Shtetit apelon për të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen dhe të mos kërkojnë azil, pasi shanset për ta fituar janë zero.
Policia Kufitare ka shtuar kontrollet në pikat e kalimit kufitar, për dokumentacionin dhe plotësimin e kushteve për të udhëtuar në vendet e BE-së, si dhe në kufirin e gjelbër, për të parandaluar kalim e paligjshëm të kufirit, evidentimin dhe ndëshkimin e krimeve ndërkufitare.
