Ndërsa e gjithë Shqipëria u ngrit në këmbë kundër abuzive seksuale, me theks të veçantë në abuzimin sistematik të 15 vjeçares, ka dhe nga ata të cilët e shohin si një gjë krejt normale. Xhiron e rrjetit po e bën komenti qesharak i fotografit Donald Plozha.
Me anë të një video të shpërndarë në Instagram, e që u kthye në kohë reale në kryefjalën e ditës, fotografi trondit me qëndrimin e tij publik. Sipas tij, janë femrat që provokojnë meshkujt. Për Donaldin, protesta e mbajtur dje ishte pa lidhje, madje nuk e sheh si të nevojshme.
“Duan të na mbushin mendjen ne që këtu në Shqipëri, gjendja e femrës është kaq keq. Unë dal përditë në Tiranë, jetoj përditë në Tiranë, komunikoj me njerëz nga më të ndryshmit.
Shumica e femrave me të cilën unë komunikoj, janë të respektuara. E kam të vështirë të kuptoj që feministet një pjesë e të cilave janë nga ana seksuale shumë ekstravagante dhe agresive, që janë pro vajzave në rrugë me kanatiere.
Këto vajza që janë pro atyre gjërave. Këto vajza tani dalin bëjnë moral. Si është e mundur që ti je vetë pro këtyre gjërave, dhe bën vetë dhe thua ‘forca femra, ne kemi të drejtë me dal me tregu asetet meshkujve, po ata nuk kanë të drejtë me bo gjo’.
Meshkujt duhen me u përmbajt. Nëse del kundër kësaj çështje dhe pro moralit, duhet të jesh një person i moralshëm. Këto vajza thonë që çfarë domethënë që dal unë e me sheh gjoksin e shalët ti mua, e do të thotë që s’jam e moralshme? Varet tek perceptimi i personit, po mua e moralshme s’më dukesh. Askush se sheh veten ashtu siç është. Protesta e marshimi m’u duk krejt pa lidhje. Nuk e shoh të nevojshme me u bo një protestë”, është shprehur ai.
View this post on Instagram
Ai ka folur më konkretisht për rastin e 15-vjeçares që u përdhunua nga 65-vjeçari. Sipas Donaldit, 65-vjeçari nuk është pedofil, sepse nuk mund të jesh i tillë kur kryen marrëdhënie seksuale me një vajzë që i kanë ardhur periodat.
Madje ai shton se ka një arsye se pse një vajze i vijnë periodat aq herët. Sipas tij, ju vijnë aq herët sepse janë tashmë të rritura për të kryer aktivitet seksual.
“Fiksojni këtë: femrave që ju vijnë periodat, nuk është e jashtëligjshme që të kryesh marrëdhënie. Po patjetër që jo pa dëshirën e tyre”, shprehet më tej ai.
