Teksa numri i personave të infektuar është në trend rritës, Ministrja e Shëndetësisë, Ogerta Manastirliu ka dhënë një lajm të mirë nga Spitali Infektiv. Ajo njofton se edhe dy mjekë kanë fituar betejën me Covid-19, duke e çuar në total numrin e personelit mjekësor të shëruar në 32.
Deri më tani në vendin tonë 217 pacientë dhe staf mjekësor ia kanë dalë mbanë me koronavirusin. Gjatë 24 orëve të fundit, në vendin tonë janë konfirmuar vetëm 13 raste të reja nga koronavirusi, duke e çuar në 446 numrin e të infektuarve. Rastet e reja janë konfirmuar në Tiranë, Shkodër dhe në Durrës. Të gjithë rastet e reja janë kontakte të personave të konfirmuar më parë.
Statusi
Shërimi i plotë edhe i 2️⃣ mjekëve në Tiranë të prekur nga #COVID19 është një lajm shpresëdhënës në këtë ditë simbol të triumfit të jetës🙏🏼
Shkon në 3️⃣2️⃣ numri i personelit mjekësor të #shëruar nga COVID-19 ✅
Deri tani janë 2️⃣1️⃣7️⃣ pacientë dhe staf mjekësor që e kanë fituar betejën me 🤜#COVID-19🤛
