Ekzekutimi i një vendimi gjykate të formës së prerë për lirimin e një trualli në kryeqytet, ku prej gati 70 vjetësh është ndërtuar një banesë, shkaktoi tension mes 2 familjeve që jetonin në të dhe përmbaruesve e policisë nga ana tjetër. Pamjet nuk kishin nevojë për komente, ndërsa banorët u përplasën fizikisht me policinë. U deshën mbi 5 orë që gjendja ti rikthehej normalitetit.
Për më shumë se 5 orë, anëtarët e familjeve Llapaj dhe Dervishaj rezistuan për të mbajtur banesën e tyre, që ndodhen pranë shkollës së mesme “Petro Nini Luarasi” në Tiranë.
Zyra përmbarimore kërkoi të ekzekutonte një vendim gjyqësor të formës së prerë, dhënë nga Apeli i Tiranës, në favor të pronarit të truallit. Referuar kësaj ngjarje që ‘pushtoi’ mediat, një reagim është përcjellë edhe nga këngëtari mjaft i dashur i skenës shqiptare, Dashnor Diko. Mjaft i tronditur, ai thotë se pamjet në fjalë i ka hasur vetëm në luftën e Sirisë.
