Kryetari i Grupit Parlamentar të Partisë Socialiste, Taulant Balla, apelon ndaj kreut të PD-së, Lulzim Basha, që të distancohet nga dhuna, duke iu referuar protestave të dhunshme që po zhvillohen për vrasjen e 25-vjeçarit, Klodian Rasha. Balla shkruan se sa kohë që Sali Berisha do drejtojë PD, partia e tyre do të ketë vizion rrëmujën.
“Sa kohë Sali Berisha të drejtojë PD, kjo parti do të ketë vizion rrëmujen, program vandalizmin dhe ekip katrahurën! Lulezim Basha ku je futur? Dil dhe distancohu nga dhuna apo s’e ben dot, s’ke faj!”, shkruan Balla.
Një ditë më parë, kryetari i Partisë Demokratike, në një konferencë për mediat është shprehur se Edi Rama është e keqja më e madhe e këtij vendi.
Basha në fjalën e tij është shprehur se është e papranueshme sjellja e tij, pas vrasjes së 25 vjeçarit, Klodian Rasha, i cili heshti tre ditë dhe nuk gjeti kohë të ngushëllonte familjen.
