Ish-deputeti i PD-së, aktualisht kryetar i Bindjes Demokratike, Astrit Patozi, ka shpërndarë një shkrim të gazetës ‘Rilindja Demokratike’, ku ndodhen 4 personazhe që janë cilësuar si ‘kukullat e Ramës’.
Bëhet fjalë për Myslim Murrizin, Jozefina Topallin, Rudina Hajdarin dhe Astrit Patozin. Marrë shkas nga ky artikull, Patozi ka një koment ndaj kryedemokratit Basha.
Me një shkrim sa të thjeshtë po dhe aq goditës, ai analizon situatën aktuale politike dhe prapaskenat.
Kreu i Bindjes Demokratike shprehet me ironi se ndërsa PS është prej kohësh në fushatë për të mundur prapë Lulin, Berishën dhe Monikën, nga ana tjetër kreu i PD-së ka nisur betejën për të rrëzuar Patozin, Topallin, Murrizin etj.
Statusi
ME KRAHË TË LEHTA, LUL!
1-PS është prej kohësh në fushatë për të mundur prapë Lulin, Berishën dhe Monikën, se Iliri u duhet ende President. Thonë se janë në kërkim të mandatit të tretë dhe timonit të dytë.
2-Edhe LSI nuk mbetet pas. Si shtëpi me dy porta që janë, i kanë në sulm me të gjithë arsenalin e vet, si Ilirin, ashtu dhe Monikën. Qëllimi është një dhe i vetëm, të largojnë Edi Ramën nga kryeministër.
3-Ndërsa Luli me trimat e vet e kanë nisur fuqishëm betejën për të rrëzuar Patozin, Topallin, Murrizin etj.
Me krahë të lehta, mor çuna! Luftë doni, luftë do të ketë! Secili e zgjedh me dëshirë dhe me aq mend sa ka objektivin e vet për 25 prillin.
