Kryeministri Edi Rama u shpreh pak më herët se do të presë në një takim në selinë e qeverisë një përfaqësi të mjekëve, pas paralajmërimeve të tyre për protesta.
Ndërkohë, kreu i PD-së, Lulzim Basha, ka dalë në “revansh” duke i ftuar që sonte një përfaqësi të tyre, në selinë e PD-së. Ata pritet të diskutojnë për situatën e pandemisë COVID-19 dhe problemet me të cilat përballen.
Mjekët kërkojnë përmbushjen e katër pikave nga institucionet shtetërore: rritjen e pagave, sigurimin e kushteve optimale të punës, sigurimin e jetës dhe shpalljen dëshmorë të kombit për ata pjesëtarë të personelit shëndetësor që humbin jetën në luftën me COVID-19.
