Në kuadër të Ditës Ndërkombëtare kundër Korrupsionit, Ambasada Amerikane në Tiranë thekson se lufta kundër korrupsionit, kërkon më shumë sesa fjalë. Prandaj thuhet në mesazh, SHBA-të janë dhuruesi më i madh i mekanizmave kryesorë në botë, për kontrollin e korrupsionit.
Mesazhi
9 dhjetori është Dita Ndërkombëtare kundër Korrupsionit! Lufta kundër korrupsionit kërkon më shumë se fjalë, dhe kjo është arsyeja përse Shtetet e Bashkuara janë dhuruesi më i madh i mekanizmave kryesorë në botë për kontrollin e korrupsionit, për t’u siguruar që vendet i përmbushin detyrimet e tyre.
Kombet e Bashkuara nënshkruan më 9 dhjetor të vitit 2003, Konventën Ndërkombëtare Kundër Korrupsionit. Pikërisht më 9 dhjetor të vitit 2003, në Kombet e Bashkuara u mblodhën më shumë se 100 përfaqësues shtetesh nga e mbarë bota, për të nënshkruar Konventën Ndërkombëtare Kundër Korrupsionit. Korrupsioni është një krim i rëndë që mund të dëmtojë zhvillimin social dhe ekonomik.
