Kryeministri Rama ka publikuar një video tallëse, ku ironizon kryetaren e LSI-së, se kjo forcë politike ka imunitet dhe e mposht pa pikë problemi koronavirusin.
Ndonëse ekspertët në mbarë botën ripërsërisin tre këshillat e arta për distancim, higjenë dhe maskë, Kryemadhi thotë se këto janë veçse mashtrime, dhe se s’ka koronavirus që të mposhtë LSI-në.
Kryemadhi tha disa ditë më parë se LSI nuk infektohet nga COVID-19, pasi kanë imunitet të fortë. Ndërkohë në një tjetër fjalim, Kryemadhi tha se të kesh imunitet të fortë duhet të ushqehesh mirë, dhe që të ushqehesh mirë duhet të kesh rroga të larta. Në videon e publikuar nga Rama, thuhet se LSI ka pasur gjithmonë rroga të larta e prandaj sipas deklaratës së Kryemadhit, kanë imunitet ndaj COVID-19.
