Një nga deputetët e opozitës, i cili mori mandatin dhe u betua sot, Lefter Maliqi ka folur në foltoren e Kuvendit, ku ka lëshuar vrer për kreun e Partisë Demokratike, Lulzim Basha.
Menjëherë pas fjalës së ish-ministrit Arben Ahmetajt, fjalën e ka marrë Maliqi, i cili duhet thënë se ka folur më shumë seç i takonte, duke sulmuar Bashën.
“Suksese dhe respekte për kurajon”, ishte ky komenti i Ahmetajt për deputetët e rinj, duke vlerësuar vendimin e tyre për hyrjen në Kuvend.
Nga ana tjetër, Maliqi duke iu referuar fjalës së Ahmetajt, tha se rreshti i opozitës do të mbushet plot dhe se demokratët s’duhet të gënjehen por duhet të ndryshojnë lidershipin.
“Pata fatin që zura vendin e kryetarit të PD-së, rreshti nga opozita do të jetë plot dhe mos të kujtojnë ata që kanë jashtë se janë më të mirë se ne këtu. Kryeministër mund të bëhesh me mund, me vota, demokratët mos të gënjehen më, ai do të bëhet kryeministër me mandat të dhuruar.
I falënderoj banorët që më kanë mbështetur në të gjitha sfidat politike.
Dua t’u drejtohem demokratëve të mos gënjehen më por të ndryshojnë lidershipin. Basha bëri vetë listën, kriza qëndron te lidershipi i të djathtës!”, tha ndër të tjera deputeti Maliqi./ Tirana Today
