Lidhja Demokratike e Kosovës ka nënshkruar ditën e sotme marrëveshje për bashkëqeverisje edhe me Nismën Socialdemokrate.
Pas takimit të krerëve të të dyja partive, kryetari i Nismës, Fatmir Limaj ka konfirmuar para gazetarëve arritjen e koalicionit.
“Ne sot së bashku me kryetarin e LDK-së dhe kandidatin për kryeministër kemi arritur marrëveshje koalicioni. Pas zhvillimeve të kohëve të fundit, të gjithë jemi dëshmitarë të asaj që ka ndodhur. Kosova ka nevojë për një qeveri që e mbikëqyr parlamentin, i përgjigjet dhe një qeveri që mund të funksionojë sipas ligjeve”, tha ai.
Limaj deklaroi se partia e tij në qeverinë e re, do të ketë dy ministri dhe postin e zëvendëskryeministrit.
Kujtojmë se marrëveshje për bashkëqeverisje, LDK ka nënshkruar një ditë më parë edhe me Aleancën për Ardhmërinë e Kosovës.
