Maqedoni e Veriut/ Shënon 4 viktima, shërohen mbi 100 të prekur nga koronavirusi

Situata nga koronavirusi në Maqedoninë e Veriut duket të jetë e rëndë, teksa 4 persona kanë humbur jetën në 24 orët e fundit.

Në Klinikën Infektive në Shkup ka ndërruar jetë një 62-vjeçar, ndërsa në spitalin “8 shtatori” ka ndërruar jetë një 59-vjeçare nga Gostivari. Dy viktimat tjera janë evidentuar në rrethinën e Kumanovës, respektivisht bëhet fjalë për persona të moshës 72 dhe 79 vjeçe.

Gjatë 24 orët e fundit në vend janë kryer 386 teste, prej të cilave 23 kanë rezultuar pozitive me koronavirus. Mësohet se 5 raste janë evidentuar në Shkup, 5 në Kumanovë, 6 në Tetovë, 2 në Veles dhe 2 në Negotinë.

Ndërkohë lajmi i mirë është numri i madh i të shëruarve brenda një dite. Sipas mediave vendase, plot 111 persona janë shëruar në 24 orët e fundit.

Që nga shpërthim i COVID-19, në Maqedoninë e Veriut janë regjistruar gjithsej 1,465 raste, si dhe janë shënuar 77 viktima.