Ministri i Jashtëm rus, Sergey Lavrov ka pranuar se pjesë e diskutimeve me kryeministrin shqiptar ka qenë edhe çështja e Kosovës.
Gjatë fjalës së tij në konferencën për shtyp, Lavrov tha se arritja e një marrëveshjeje mes Kosovës dhe Serbisë i intereson edhe Rusisë. Ai theksoi se Rusia do të bëjë përpjekjet e saj për ta nxitur këtë dialog, në mënyrë që të arrihet drejt një përfundimi.
“Folëm edhe për Kosovën, kemi për qëllim të nxisim dialogun që të arrijnë një marrëveshje me Serbinë. Ne do të donim që çështja e Kosovës të zgjidhjet. Palët e interesuara duhet të gjejnë një marrëveshje dhe ne besojmë se një faktor kyç për të ecur përpara është zbatimi i vendimit të krijimit të bashkive serbe kemi dhe angazhime dypalëshe me kryetarët e komisionit për tregti dhe ekonomi.
Ka hapësirë për bashkëpunim në këtë sferë. Është e kufizuar për shkak të mbështetjes nga Shqipëria të regjimit të sanksioneve nga BE. Kemi për qëllim të bashkëpunojmë me Shqipërinë për atë çfarë janë të gatshëm të bashkëpunojnë ata”, tha Lavrov.
