Kryeministri Edi Rama ka komentuar shkarkimin nga detyra të mjekut Ilir Allkja, duke e cilësuar si një vendim të drejtë.
Në emisionin “Open”, Rama u shpreh se mjeku kishte shkelur etikën dhe se të gjithë denoncimet e tij kishin rezultuar të pavërteta.
Ndërkohë, Rama ka bërë edhe një krahasim mes Allkjas dhe kolegëve të tij, si Najada Çomo dhe Tritan Kalo.
Edi Rama: “Standardi im thotë që një major që është në frontin e luftës dhe mbush dynjanë me opinione që përhapin panik, nuk mund të jetë në sistem. Kanë bërë masë, dhe shumë mirë kanë bërë. Ka një hierarki në spital. Ne i kemi veshët hapur 24 orë dhe po iu them që të gjitha janë verifikuar rast pas rasti nga Ministria dhe rezulton se kemi të bëjmë me një person që nuk e përmbush dot. Nuk është parlament spitali. Najada Çomo e ulka kokën që nuk ka Zot që e prek me dorë, nuk e njihka Tritan Kalo që e ka pasur shpejtësinë që të dalë në protestë, ka marrë edhe mjekët e tjerë.
Shko bëjë në një vend tjetër. Unë nuk ndëshkoj asnjë njeri. E mora vesh kur ndodhi. Ka shkelur etikën dhe është bërë pas nenit të duhur. Gjithkush ka hierarki, nuk flet dot në televizor duke dezinformuar publikun. Sepse ato që ka thënë janë verifikuar. Ka procedura në shtet. Kanë rezultuar propagandë. Franca ka një rregull, nëse shërben në administratë nuk prononcohesh dot publikisht. Unë po them arsyetimin”.
