Drejtoria e Përgjithshme e Shërbimeve të Transportit Rrugor ka lajmëruar së të gjithë ata shqiptarë që jetojnë në Itali dhe që kanë marrë patentën nga vendi jonë, do kenë mundësi ta konvertojnë atë.
Përmes një postimi në Facebook, ata bëjnë të ditur se ky shërbim do mundësohet për ata shtetas, të cilët kanë marrë patentën në vendon tonë nga janari i vitit 2017.
Sipas këtij njoftimi, procesi i konvertimit të patentës do të bëhet i mundur që nga data 8 shtator 2019.
“Për të gjithë bashkëkombasit tanë në Itali, mbajtës të modelit të ri të Leje Drejtimit (i lëshuar nga 24.01.2017), ju bëjmë me dije se ky model Leje Drejtimi do të njihet per konvertim nga shteti italian duke filluar nga 8 Shtatori 2019, falë marrëveshjes së përbashkët mes dy qeverive”, thuhet në njoftimin e Drejtorisë së Përgjithshme të Shërbimeve të Transportit Rrugor.
