Rajoni

Rasti ‘Reket’/ Zaev: Nuk lejoj që disa kriminelë dhe një pederast të rrëzojnë Qeverinë


               Publikuar në : 08:52 - 14/08/19 Enno

Kryeministri i Maqedonisë së Veriut, Zoran Zaev, ka folur për rastin e skandalit ‘Reket’, duke hedhur poshtë çdo lloj spekulimi se ai është i përzier në këtë çështje.

Me rastin e 18 vjetorit të Marrëveshjes së Ohrit, Zaev deklaroi se nuk do të lejojë që askush ta përfshije atë në këtë mesele, aq më pak, siç tha ai, disa kriminelë, një gazetar kapriçoz dhe një pederast.

Kujtojmë se të dyshuar në rastin “Zhvatja” janë: Bojan Jovanovski-Boki 13 dhe Zoran Mileski i njohur si Zoki Kiçeec.

Spekulimet që shkojnë deri aty, duke u përpjekur dikush të më involvojë mua, edhe një herë e përsëris. Unë jam Zoran Zaev, erdha në pushtet fal votës së qytetarëve, duke luftuar për liri, demokraci, shtet të së drejtës, shtet normal. Unë jam luftëtar dhe do të vazhdo të luftoj për këtë deri në fund. Gjithsesi, nuk do të lejoj që disa kriminele, një gazetar kapriçioz, dhe të më fal komuniteti LGBT, një pederast, ta rrëzojnë këtë Qeveri nga pushteti. Do të luftojmë deri në fund, ndërsa secili do të mbajë përgjegjësi”, tha Zaev.

Ai i bëri thirrje Prokurorisë që t’i publikojë të gjitha dëshmitë që i posedon, madje edhe për vete dhe Katica Janevën, nëse ka, duke thënë se çdokush do të mbajë përgjegjësi.

Kthehu
WhatsApp Denonco ne TT