Në konferencën për mediat, Rama ka dhënë një lajm të mirë për të gjithë pensionistët. Kryeministri konfirmoi se qeveria nuk do ta heqë këtë vit shpërblimin e Vitit të Ri për pensionistët.
“34 mln dollarë për pensionistët për Vitin e Ri. Nuk do të hiqet asnjë qindarkë nga ajo që kishim ndërmend t’ju jepnim pa rënë tërmeti dhe pa ardhur Covid-19.
Nuk janë pak këto, janë shumë, nga pikëpamja e situatës ku ndodhemi. Qëllimi është që t’i rrisim normale”, tha Rama.
Kreu i qeverisë nuk tha se sa do të ishte shuma e këtij shpërblimi. Në vitet e shkuara kjo masë shpërblimi ka qenë 6 mijë lekë.
