Kush ishte Baba Vanga, “Nostradamusi” i Ballkanit (VIDEO)

Profecitë e saj janë sot më të komentuarat edhe se ato të parashikuesit francez Nostradamus. Kjo pasi jo pak prej tyre kanë rezultuar të vërteta, ashtu sikurse disa të tjera jo.

Jeta e bullgares Vangelija Gushterova, e njohur zakonisht si Baba Vanga, ishte mëse e zakonshme deri në vitin 1923, kur në moshën 12-vjeçare humbi shikimin gjatë një stuhie të fortë.

Ajo u rrëmbye nga era, dhe familja e gjeti gati të vdekur disa ditë më vonë. Sytë e saj ishin plagosur rëndë, dhe nuk u hapën më kurrë. Më vonë Baba Vanga, tha se ato ditë përjetoi vizionin e saj të parë mbi të ardhmen.

Ajo vetë nuk shkroi dot asnjë libër. Gjithçka është regjistruar nga njerëzit pranë saj. Pretendohet se ajo parashikoi shpërbërjen e Bashkimit Sovjetik, sulmet e 11 shtatorit etj. Ajo gaboi me parashikimin e Luftës së Tretë Botërore në vitet 2010-2014.

Gjithsesi parashikimet e saj janë 85 për qind të sakta. Ajo ka parashikuar se Kina do të kapërcejë SHBA-në si një superfuqi, dhe se Universi do të shkatërrohet në vitin 5079.

                                        TIRANA TODAY