Kryeministri Edi Rama akuzon Ramush Haradinajn se po baltos figurën e kryeministrit të Kosovës, Albin Kurti.
Përmes disa postimeve në Twitter, Rama vlerëson vendimin e Kurtit për të hequr taksën ndaj Serbisë. Ndërsa sulmon ashpër Haradinajn, duke thënë se “nuk ka dëgjuar idiotësi më të mëdha se predikimi që taksa do sjellë njohjen e Kosovës nga Serbia”.
Sipas kreut të qeverisë shqiptare, Albin Kurti mund të jetë gjithçka por kurrë një shërbëtor i Serbisë. Rama thekson se heqja e taksës do jetë dita e parë Kurtit si kryeministër në zyrë.
“Me paturpësi Ramushi ka nisur baltosjen e Albin Kurtit! Albini mund të jetë gjithçka po kurrë nuk është shërbëtor i Serbisë! Uroj të mos tutet prej sulmeve të ulëta për heqjen e taksës që shkatërroi reputacionin ndërkombëtar të Kosovës dhe viktimizoi Serbinë në sytë e botës!
Kurrë nuk është dëgjuar një idiotësi më e madhe se sa predikimi që taksa do sjellë njohjen e Kosovës nga Serbia dhe asgjë s’i ka bërë më shumë dëm Kosovës,se sa ajo taksë e kthyer nga një thirrje për vëmendje ndaj shkeljeve të CEFTA-s nga Serbia, në një litar në fytin e Kosovës!
Albin Kurti është në rrugën e duhur!Heqja e taksës do jetë dita e parë e tij si kryeministër në zyrë, jo më si lider opozite në zyrën e kryeministrit! Do t’i duhet të përballet me etiketën e “tradhtarit” po ani, ajo etiketë i dallon udhëheqësit e paqes nga statujat e luftës?”, shkruan Rama.
Me paturpësi Ramushi ka nisur baltosjen e Albin Kurtit! Albini mund të jetë gjithçka po kurrë nuk është shërbëtor i Serbisë! Uroj të mos tutet prej sulmeve të ulëta për heqjen e taksës që shkatërroi reputacionin ndërkombëtar të Kosovës dhe viktimizoi Serbinë në sytë e botës!
— Edi Rama (@ediramaal) March 1, 2020
Albin Kurti është në rrugën e duhur!Heqja e taksës do jetë dita e parë e tij si kryeministër në zyrë, jo më si lider opozite në zyrën e kryeministrit! Do t’i duhet të përballet me etiketën e “tradhëtarit” po ani, ajo etiketë i dallon udhëheqësit e paqes nga statujat e luftës😊
— Edi Rama (@ediramaal) March 1, 2020
