Gjatë fundjavës u zbllokuan rrugët që çojnë në dy pikat kufitare; Jarinjë dhe Bërnjak, pika këto në veri që lidhin Kosovën dhe Serbinë. Pas arritjes së marrëveshjes në Bruksel ndërmjet Kosovës dhe Serbisë rreth përdorimit në mënyrë të barabartë të targave të makinave nga të dyja vendet, serbët hoqën barrikadat dhe po ashtu u tërhoq nga veriu edhe njësia speciale e Kosovës, që ishte kërkesë e Beogradit.
Kryetari i AAK-së, Ramush Haradinaj e ka pyetur kryeministrin Kurti se çfarë do të bëjë për çështjen e bllokadave. “A jeni në dijeni që ia keni hequr një masë mbrojtëse që ka qenë e dedikuar të vështirësojë konkurrencën e bllokave të Serbisë. Kur ne kemi fabrika të bllokave edhe në Podujevë e Gjakovë, edhe e kanë më afër, çka bën Qeveria juaj, a do të lini këtë gjendje”, e pyeti Haradinaj-Kurtin.
Kryeministri iu përgjigj Haradinajt duke i thënë “kuturu ad-hoc nuk veprojmë”.
“Po flasim edhe për blloka meqë është fushatë për zgjedhje lokale”, tha fillimisht Kurti.
“Vendimit i ka skaduar afati dhe duhet të vlerësojmë atë vendim a e ka arritur qëllimin e vet, dhe pastaj të marrim vendim të ri se a ta vazhdojmë apo si ta vazhdojmë. Kuturu athok (Shkel e shko) nuk veprojmë”, tha kryeministri.
