Kur do të hapen shkollat në Itali? Përgjigjet Conte

Kryeministri italian Giuseppe Conte ka njoftuar se shkollat në Itali do të hapen në muajin shtator.

Ndërkohë duke nisur nga dita e nesërme, Italia do të rikthejë në punë disa sektorë të ekonomisë.

Conte pohoi se javën e ardhshme do të paraqesë planin e rihapjes graduale të vendit.

Në një intervistë për “La Repubblica”, ai u shpreh se shëndeti i fëmijëve është primar, ndërsa theksoi se një tjetër problem shumë i rëndësishëm është edhe mosha mesatare e stafit mësimor, i cili është ndër më të lartët në Evropë.

Conte theksoi se mësimi në distancë po funksionon “mesatarisht”.