Aktori e njëkohësisht moderatori Ermal Mamaqi, i ka dedikuar një këngë mjekut infeksionist Pëllumb Pipero. Ky i fundit, gjatë gjithë kësaj kohe ka ndihmuar qytetarët me këshillat e tij për koronavirusin.
Mbrëmjen e djeshme në “Open”, Pipero ka qeshur kur në sfond iu vendos kënga e Ermalit. Mjeku komunikoi live me Ermalin, duke treguar se ata njihen personalisht.
“Pëllumb Pipero është ëndrra e çdo fisi, sepse besoj të gjithë do donin ta kishin dajë apo xhaxha për t’u konsultuar. Tani po mendoj t’i bëj një film”, tha Ermali.
