Deputeti Kujtim Gjuzi, i cili shpesh është vënë në qendër të vëmendjes për deklaratat e tij të bujshme e përplasjet me Ruçin, është përjashtuar me 10 ditë nga komisionet dhe seancat plenare.
Ky vendim vjen pasi ai i ka ndërprerë fjalën kryeministrit Edi Rama në Parlament. Në vendimin thuhet se sjelljet e tij janë të përsëritura dhe kanë penguar seancën.
Deputeti ka replikuar disa herë nga vendi, pa ju dhënë e drejta e fjalës. Në jo pak raste madje ka patur edhe përplasje të forta me kryetarin e Kuvendit, Gramoz Ruçi.
Pavarësisht se i është tërhequr vëmendja nga kreu i Kuvendit, ai është ngritur nga vendi dhe i është drejtuar foltores ku po fliste kryeministri Edi Rama.
Në një prej debateve të shumta mes tyre, kryeministri Edi Rama ju drejtua me fjalët “të honksha shaminë”.
