Gjatë punimeve të seancës së sotme plenare, deputeti i opozitës Ralf Gjoni ka debatuar ashpër me kreun e Kuvendit, Gramoz Ruçi. Gjoni po fliste nga foltorja e Kuvendit, ndërsa Ruçi i tha se është duke folur jashtë asaj që po diskutohej dhe se do t’i ndërpriste fjalën.
Pasi kreu i Kuvendit i kërkoi deputetit të lironte foltoren, Gjoni nuk iu bind urdhrit, duke shpërthyer në akuza ndaj Ruçit.
“Zoti Ruçi më shihni në sy, ju jeni…”- Ralf Gjoni përfshihet në debat të fortë me kreun e Kuvendit. Përjashtohet për 10 ditë on Vidnews.
Pjesë nga debati:
Gramoz Ruçi: Z. Gjoni të lutem, ke kohë që nuk po flet për ligjin, do të ndërpres fjalën
Ralf Gjoni: Z. kryetar, unë jam brenda temës, nuk keni të drejtë të më ndërprisni fjalën. Po flas për ligjin.
Gramoz Ruçi: S’po flet për ligjin. Po flet për ligjet e institucioneve, por jo për ligjin në fjalë. Tagrin e kam unë. Ju ndërpres fjalën.
Ralf Gjoni: Ti nuk e ke tagrin për ta vlerësuar.
Gramoz Ruçi: Uluni!
Gjoni: Harrojeni, s’ma ndërprisni dot fjalën.
Gramoz Ruçi: Ulu poshtë. Ulu. Ulu të mos marr masë se e ke zaptuar foltoren, edhe njëherë po të tërheq vërejtjen.
Gjoni: E ke pronën tate ti këtë?
Gramoz Ruçi: Ulu. Po të tërheq vërejtjen dhe njëherë. Po të paralajmëroj se do të përjashtoj nga seanca. Nëse do të vazhdosh të mbash foltoren, do të përjashtoj për 10 ditë.
Ralf Gjoni: Unë pres që të mbajë fjalën. Z. Kryetar nuk kam mbaruar fjalën, kjo nuk është pronë private e jotja.
Gramoz Ruçi: Do të përjashtoj nga seanca.
Gjoni: S’më përjashtoni dot.
Gramoz Ruçi: Rregullorja, jo unë. Se kur zapton dy minuta foltoren, përjashtohesh nga seanca.
Ralf Gjoni: Nuk është normale kjo. Kjo është turp e faqe e zezë! Turp!
Gramoz Ruçi: Ulu mos të përjashtojë nga seanca.
Gramoz Ruçi: Kur dy minuta zapton foltoren, përjashtohesh nga seanca.
Gjoni: Kjo është e padrejtë. Regjia hapni mikrofonin.
Gramoz Ruçi: Sipas nenit 65 pika b, nëse deputeti vazhdon të mbajë të zaptuar foltoren pas vërejtjes, deputeti Gjoni përjashtohesh nga seanca.
Ralf Gjoni: Komunist, shikoni simbolin e komunizmit! Nuk ke turp!
Gramoz Ruçi: Zoti Gjoni jeni i përjashtuar nga seanca, nëse nuk zbaton urdhrin, do t’i kërkoj sekretariatit përkatës të përjashtohesh 10 ditë nga seanca. Dil nga seanca! Dil përjashta.
Gjoni: Ju nuk meritoni…Zoti Ruçi më shihni në sy…Ju jeni tradhtar.
Gramoz Ruçi: Dilni nga seanca
Ndërhyn nga vendi Kujtim Gjuzi: O kryetar…
Gramoz Ruçi: Gjuzi mos fol se do të përjashtohesh edhe ti, të është hequr e drejta e fjalës, të mësohesh me rregull.
Gjuzi: Punë e madhe.
Ruçi-Gjuzit: Nëse flet dhe ti do përjashtohesh. Duhet të mësohemi me rregull.
Gjoni: Kujt do ti mësosh rregullin ti mo? Komunist.
Gramoz Ruçi: Dil përjashta!
Gjoni: Pse të dal përjashta? S’ke turp s’ke, komunist. S’më intimidon fare.
Gramoz Ruçi: I kërkohet sekretariatit për procedura, votimet dhe etikën, marrjen e masës disiplinore, përjashtim të deputetit me 10 ditë nga seanca.
Gjoni: Të kesh turp.
Denonco ne TT