E martë, 21 Shtator, 2021
26 C
Tirana

Besimi tek Presidenti Putin bie në nivelin më të ulët në gjashtë vjet

Besimi i rusëve tek Presidenti Vladimir Putin ka rënë në nivelin më të ulët të gjashtë viteve të fundit, megjithëse miratimi i tij në publik mbetet ende i lartë, sipas një sondazhi të organizatës anketuese Levada, i publikuar të mërkurën.

Miratimi i publikut për Presidentin Putin ra ndjeshëm pas masës jopopullore të vitit 2018 për të rritur moshën e pensionit dhe pas uljes së vazhdueshme të të ardhurave, por është stabilizuar muajt e fundit dhe është rritur paksa duke arritur në 68 për qind, sipas anketës.

Megjithatë, besimi i publikut te Putini ka vazhduar të bjerë dhe në janar arriti në 35%, një rënie e mprehtë krahasuar me vitin 2017, sipas anketuesve.

Denis Volkov, sociolog i organizatës, tha se niveli në janar ishte më i ulëti që nga viti 2014 kur Rusia aneksoi Krimenë, gjë që solli rritjen e miratimit të publikut për presidentin rus.

Presidenti Putin ka dominuar peisazhin politik të Rusisë si president ose kryeministër që kur erdhi në pushtet në vitin 1999.

Mandati i tij i tanishëm në Kremlin përfundon në 2024, por muajin e kaluar ai shpalli ndryshime të mëdha kushtetuese që shihen gjerësisht si mjet për ta ndihmuar të zgjasë kontrollin e tij mbi pushtetin edhe pasi të largohet nga posti.

Levada tha se sondazhi u krye mes 23 dhe 29 janarit dhe se u anketuan gjithsej 1,603 njerëz në të gjithë Rusinë. /Voa

Lexo edhe :   Putin porositi vrasjen e ish agjentit të KGB-së? Hetimet nxjerrin të vërtetën
- Reklama -

Më shumë nga kategoria




Të fundit

Vuçiç kërcënon Kurtin: Ndryshoni vendimet ose do përballeni me pasojat

Qeveria e Kosovës ka futur në fuqi reciprocitetin ndaj Serbisë, përsa u takon targave të automjeteve. Presidenti i Serbisë, Aleksandar Vuçiç, ka kërcënuar haptazi...

Kerkonte thesarin që se gjeti kurrë! Biznesmeni italian tregon pse u zhduk

Për rreth nëntë muaj nuk dihej asgjë për fatin e biznesmenit italian Davide Pecorelli. Makina e djegur e më pas eshtrat e gjetura, hodhën...

Pse jam për Kongresin e Jashtëzakonshëm të Partisë Demokratike

Nga: Genc Pollo 1-Projekti i shpresës e i besimit ende në pritje Partia Demokratike e mbas 25 prillit fatkeqësisht nuk ka ende një projekt të ri...

Ish-kryeministri serb kritikon presidentin Vuçiç: Ka firmosur vetë marrëveshjen

Policia e Kosovës ndërmori një operacion në veri, për të zbatuar marrëveshjen për targa të përkohshme. Ish-kryeministri i Serbisë, Zoran Zhivkovic, ka thënë se...

Tensionohet situata/ Vazhdon bllokimi i rrugës afër pikës kufitare në Jarinje

Qeveria e Kosovës nisi dje me zbatimin e reciprocitetit, duke vënë targa të përkohshme për mjetet me targa të Serbisë që hyjnë në territorin...