Policia Rrugore ka njoftuar mbi gjendjen e rrugëve që kanë vështirësi në qarkullim, për shkak të fluksit të shumtë të makinave, si pasojë e kthimit të pushuesve nga zonat bregdetare.
Në njoftim theksohet se shërbimet e Policisë Rrugore janë vendosur në pikat kyçe në këto akse dhe segmente. Gjithashtu janë shtuar shërbimet në lëvizje, për të parandaluar parakalimet e gabuara.
Njoftimi i policisë:
Prej orës 16:00, ka filluar kthimi nga zonat bregdetare, konkretisht:
Ka filluar fluksi i daljes nga Rëna e Hedhun, Shengjini dhe Talja, lëvizja e rrjedhshme pa bllokime deri tani;
Ka filluar kthimi i mjeteve nga Himara – Radhima – Vlorë, pa probleme. Trafiku është shtuar, lëvizja e automjeteve është pa ndërprerje;
Ka filluar fluksi i mjeteve në dalje, nga Gjiri i Lalzit drejt mbikalimit të Maminasit, për momentin levizja është e rrjedhshme;
Fluks në kthim nga Spilleja, si dhe rruga dytësore në Plepa, Durrës;
Hyrja për në Tiranë deri tani nuk ka probleme.
Shërbimet e Policisë Rrugore janë vendosur në pikat kyçe në këto akse dhe segmente si dhe jane shtuar shërbimet në lëvizje, për të parandaluar parakalimet e gabuara.
Telefononi 112 për çdo shkelje.
