Në Itali, në 24 orët e fundit janë shënuar 16 079 të infektuar dhe 136 viktima. Italia vijon të regjistrojë shifra dramatike, të viktimave dhe të të infektuarve me COVID. Kryeministri italian Giuseppe Conte ka paralajmëruar qytetarët se janë në një situatë kritike. Dhe nëse situata vijon të përkeqësohet, nuk përjashtohet mundësia që të vihen në zbatim të tjera kufizime.
“Jemi në fazë kritike e në një situatë kritike, nuk përjashtohen kufizime të tjera nëse është e nevojshme”, ka deklaruar kryeministri italian Giuseppe Conte sot në Dhomën e Deputetëve në Parlamentin italian.
Sipas mediave italiane, nëse vendi prek më shumë se 23 mijë të infektuar ditorë, atëherë mund të rikthehet karantina.
