Kryetarja e LSI-së, Monika Kryemadhi, deklaroi në një prononcim për mediat se qeveria ka dështuar, e ndërsa prova e fundit ishte vjedhja në Rinas. Kapja e shtetit nga kriminelët, për Kryemadhin, dëshmojnë se shqiptarët nuk bëjnë një jetë të qetë. Për të, kjo ngjarje ka tronditur jo vetëm qytetarët, por edhe sigurinë në të gjithë rajonin.
“Qytetarët ndihen të pasigurtë, sepse kanë një qeveri e cila në vend të marrë përgjegjësitë e saj, u ikën përgjegjësive me një sjellje e cila nuk inkurajon, por i deinkurajon, duke u dhënë mbështetje krimineleve, të cilët nuk ndjehen të rrezikuar nga forca e ligjit.
Qytetarët e thjesht ndihen të pasigurtë, sepse nuk shohin dikë të jetë larguar nga detyra, por shohin se arrestohen, thirren nga Prokuroria ata të cilët luftojnë për të mbrojtur shtëpinë e tyre, dhe kanë mbi 27 vite që paguajnë taksat”, tha Kryemadhi.