Ish-drejtorja e Tatimeve dhe socialistja e njohur Briseida Shehaj, është bërë pjesë e LSI-së prej pak kohësh.
Gjatë muajit tetor, kryetarja e LSI-së Monika Kryemadhi, në një lidhje direkte me emisionin “Çim Peka Live” në SYRI TV, foli për zgjedhjet brenda partisë që drejton. Ndër të tjera ajo zbuloi edhe afrimin më të ri nga socialistët, duke thënë se ish-drejtoresha e Tatimeve në qeverinë Rama 1 për 3 vite, Briseida Shehaj, do jetë nënkryetare e LSI-së Tiranë.
E ndërsa mbrëmjen e djeshme, Kryemadhi ka zbuluar një lidhje interesante mes zv.kryeministrit Erion Braçe dhe ish-drejtoreshës së Tatimeve, Briseida Shehaj.
Sipas Kryemadhit, vjehrra e deputetit socialist Braçe, është halla e anëtares më të re të LSI-së.
“Jam e detyruar që të lexoj mesazhin e hallës së Briseida Shehajt, vjehrra e Erion Braçes. Ma kërkoi, më tha të lutem shumë thuaje në emision. Ma thuaj tani tha, në televizor”, u shpreh Kryemadhi në “Open”.
