Teksa kryetarja e LSI-së, Monika Kryemadhi foli në studion e “A Show” në News 24 për një rast ku sipas saj, Rama ishte treguar i pandershëm, drejtuesi i emisionit Adi Krasta i ktheu në vëmendje akuzat, se në atë kohë ishte përfolur për blerje votash në Lezhë.
Kryemadhi sqaroi publikisht se ajo vetë nuk është përfshirë kurrë në blerje votash. Kryetarja e LSI-së u shpreh se ajo nuk blen votat, dhe se në këto vite karrierë nuk e ka kryer këtë akt.
“Le të hapin kamerat e lokalit, dhe të shohin nëse bëhej fjalë për blerje votash.
Gjon Gjonaj dje ka pasur 6 vjetorin e vdekjes, ju siguroj që incidenti në Lezhë, s’kishte lidhje me blerjen e votave.
Unë nuk blej vota, se nuk blej hallet e mia me para.
Kurrë, në kaq vite që merrem me politikë nuk ia kam dhënë kujt në këmbim të votës as edhe një benefit. Për njeri tjetër nuk e vë dorën në zjarr”, sqaroi ajo.
