QSUT-ja ka marrë vendimin që të ndërpresë marrëdhëniet e punës me mjekun e njohur Ilir Allkja, duke e pezulluar nga puna me motivin se ka shkelur kodin etik të punonjësit.
Allkaj ka kritikuar disa herë mënyrën se si qeveria po përballon pandeminë. Sipas njoftimit të QSUT, mjeku akuzohet për shpërndarje të informacioneve të pavërteta. Pezullimi nga detyra i mjekut Ilir Allkja, vjen për shkak të shkeljes së Kodit Etik të punonjësve dhe Kodit të Punës.
Sipas vendimit të QSUT-së, çdo punonjës i këtij institucioni nuk duhet të bëjë në publik komente të papërshtatshme të tilla si vërejtje mbi politikën apo programe të Institucionit, deklarata apo opinione personale që mund të interpretohen si zyrtare, sulme kundër administratës apo punonjësve të tjerë të institucionit.
