Pas deklaratave të Ilir Metës për situatën politike në vend ka reaguar edhe kreu i Komisionit të Ligjeve, Ulsi Manja, i cili thotë se “nuk ia ka fajin Shqipëria as Lulit e as Monikës pse shumica e popullit s’i sheh dot me sy”.
“Presidenti i Republikës paska reaguar sot në lidhje me situatën politike në vend dhe mirë ka bërë! Shkaqet e kësaj krize të opozitës z.President janë disa. Por eksportimi i saj jashtë vendit si krizë e Shqipërisë është një shkak i mjaftueshëm që ju ta thoni një gjysmë llafi!
Jo për gjë po s’ia ka fajin Shqipëria as Lulit e as Monikës pse shumica e popullit s’i sheh dot me sy” shkruan deputeti i PS-së.
Kujtojmë që, Presidenti Ilir Meta i pyetur nëse do të ndërmarrë iniciativë për të ulur në tryezë të përbashkët palët politike, pas vendimit të opozitës që tashmë ka dalë jashtë Parlamentit dhe protestave antiqeveritare, tha se i ka bërë detyrat e tij me kohë, dhe tashmë nuk i mbetet më asgjë në dorë
Ajo se çfarë mund të bëjë, sipas Metës, është vetëm një thirrje për reflektim nga të gjithë!
