Kreshnik Spahiu ka deklaruar se në rrëzimin e marrëveshjes së Detit në 2009 nga Gjykata Kushtetuese, nuk ka ndikuar Turqia, por SHBA.
Në një lidhje me studion e “Open”, Spahiu tha se arsyeja pse Rama shkarkoi Bushatin, ishte për avancimin që bëri në marrëveshjen e Detit.
“Kemi dy marrëveshje për Detin të rrëzuara, Basha-Bokajanis, Bushati-Kotzias. Por ndryshimi është se nëse Berisha e ka bërë Bashën kandidat për kryeministër, Rama e ka shkarkuar Ditmir Bushatin. Një nga arsyet që Rama e ka shkarkuar Bushatin është avancimi që bëri për çështjen e Detit, drekat, darkat dhe buzuqet.
Ndikimi i Turqisë ishte zero. Ka ndikuar vetëm SHBA në rrëzimin e marrëveshjes. Isha pjesë e sistemit të drejtësisë. Greqia ka pretendime territoriale ndaj Shqipërisë. Politikanët shqiptarë e përdorin Erdoganin për të marrë votat e myslimanëve”, tha ai.
