Dy vajza që janë kthyer nga Italia në Kosovë dyshohen se janë prekur nga koronavirusi.
Bëhet me dije se vajzat janë të moshës 20 dhe 23-vjeçare.
“Asnjë rast me koronavirus nuk e kemi deri më tani. Këto rastet e dyshuara pothuajse kemi çdo ditë, por deri më tani nuk ka asgjë. Për vajzat po presim rezultatet”, tha infektologu në Klinikën Infektive të QKUK-së, Valbon Krasniqi për Kosova Press.
Deri më tani në Kosovë janë testuar gjithsej 57 mostra të dyshimta për koronavirus, por të gjitha ato kanë dalë negative.
