Situata nga koronavirusi po përkeqësohet edhe më shumë me kalimin e ditëve, teksa rriten gjithmonë e më shumë numrat e viktimave dhe të të prekurve.
Deri më tani numri i viktimave ka shkuar në 106, ndërsa numri i të prekurve pothuajse është dyfishuar brenda një dite, duke shkuar nga 2835 në 4515 persona. Edhe pse epiqendra e virusit është qyteti i Wuhan në Kinë, koronavirusi ka arritur të depërtojë edhe në qytetet e tjera të Kinës apo në shtete të tjera të botës.
Wuhani është bllokuar, transporti është mbyllur në të gjithë zonën ndërsa maska e bardhë në publik është e detyrueshme për shumë qytete në Kinë. Koronavirus shkakton një infeksion të rëndë akut të frymëmarrjes dhe shumica e viktimave janë të moshuarit ose ato që kanë probleme me frymëmarrjen.
Deri më tani nuk ka asnjë kurë apo vaksinë specifike për këtë virus vdekjeprurës.
