Instituti Kombëtar i Shëndetësisë Publike në Kosovë ka konfirmuar edhe dy raste të reja me koronavirus.
Përmes një deklarate për mediat, IKSHPK bëri me dije se rastet e reja janë nga Komuna e Gjakovës. Bëhet fjalë për një 54-vjeçar dhe një 49-vjeçare, të cilët janë kthyer nga Dusseldorfi i Gjermanisë.
Deri më tani në Kosovë janë regjistruar gjithsej 19 raste infektimi.
Ndërkohë edhe Maqedonia ka konfirmuar raste të reja me koronavirus. Mediat vendase raportojnë se sot u testuan 10 pacientë, nga të cilët 5 rezultuan pozitiv me koronavirus.
Bëhet fjalë për gruan e një pacienti nga Shkupi, të diagnostikuar më herët me koronavirus.
Gjithashtu mësohet se janë infektuar edhe 4 profesionistë të kujdesit shëndetësor, përkatësisht dy mjekë dhe dy infermiere nga Dibra.
Numri total i pacientëve të konfirmuar me koronavirus në Maqedoninë e Veriut ka shkuar në 31.
