Sipas të dhënave zyrtare të publikuara këtë të shtunë, 482 persona ndërruan jetë gjatë 24 orëve të fundit në Itali, ndërsa 3,491 rezultuan pozitivë në testime.
Kësisoj, për të pestën ditë radhazi numri i viktimave nga COVID-19 në Itali është në rënie.
Italia ka regjistruar në total 175,925 të prekur nga koronavirusi i ri nga të cilët kanë humbur jetën gjithsej 23,227 persona dhe 44,927 janë shëruar.
Kurba e rasteve me COVID-19 tashmë është sheshuar dhe ka marrë tendencë drejt rënies.
