Ditën e sotme është konstituar në ambientet e Bibliotekës së qytetit Këshilli Bashkiak i Lezhës, e më pas është bërë dhe betimi i kryebashkiakut të ri, Pjerin Ndreu.
Të pranishëm në ceremoni ishin kryeparlamentari i Maqedonisë së Veriut Talat Xhaferi, ministri i brendshëm Sandër Lleshaj si dhe deputetë socialistë. Në fjalën e tij të parë si kryebashkiak, Pjerin Ndreu u shpreh se do të ndërtojë një institucion në shërbim të çdo qytetari. Kryetar i Këshillit Bashkiak u zgjodh Ernest Rakaj.
Pas konstituimit, Pjerin Ndreu iu drejtua ambienteve të Bashkisë Lezhë, i shoqëruar nga mbështetësit e tij. Dera e Bashkisë ishte e hapur dhe kryebashkiaku socialist nuk hasi asnjë pengesë nga paraardhësi i tij Fran Frrokaj.
