Nga Korça, ish deputeti i PD, Ervin Salianji, ka thënë se nuk është koha për proteta politike. Ai është shprehur se kanë dalë sërish në terren për të dëgjuar problematikat e bizneseve, fermerëve dhe fasonerive.
Salianji deklaroi se nuk ka asnjë vendim nga selia e PD-së për të protestuar. Ndërsa ngriti shqetësimin se në Shqipëri njerëzit po vuajnë për bukën e gojës, e ndërsa qeveria ka braktisur detyrën.
Lidhur me pretendimet e ngritura nëse do këtë protesta, Salinanji tha qartësisht se nga ana e opozitës s’ka vendimmarrje. Por çdo protestë nga qytetarët, do të mbështetet.
“Kemi bërë mbledhje me strukturat në Korçë, dhe po dëgjojmë shqetësimet e qytetarëve, biznesit, fermerëve, punonjësve të fasonerive që kanë mbetur pa punë dhe pa u paguar. Shqetësimi i madh nga Korça, që pavarësisht se kanë qenë të hapura, për shkak të bllokimit nuk kanë pasur mundësi për të ardhura në turizëm, nuk kanë pasur asnjë ndihmë nga qeveria duke u përjashtuar nga përfitimi i paketave të ndihmës. Është një situatë si në të gjithë Shqipërinë. Varfëri ekstreme, po zien, qeveria e ka braktisur detyrën.
Është në fund të mandatit, është braktisur, Rama është i vetëm, por edhe nga qytetarët, më shumë sesa i ka braktisur ata. Në momentet e fundit, në paketën e tretë të kihet në vëmendje fermerët. Nuk ka një vendimmarrje për protesta, mbështesim çdo protestë të qytetarëve ku ka pasur shqetësime. Po takojmë qytetarët që shprehin shqetësime për paketat dhe që janë selektive.
Unë besoj që kjo do të përkthehet në votë kundër qeverisë, dhe protestat dhe reagimet duhet të shërbejnë që paratë që janë te oligarkët të rishpërndahen te qytetarët. S’ka vendimmarrje për protesta të organizuara nga opozita, por çdo protestë nga qytetarët do të mbështetet. Nuk është momenti për të shfokusuar vëmendjen për protesta politike, por për të qenë pranë qytetarëve”, tha ai.
