Kanë kaluar 3 ditë që nga vdekja e legjendës së basketbollit, Kobe Bryant, i cili ndërroi jetë bashkë me 8 persona të tjerë si pasojë e një aksidenti me helikopter.
Ende nuk janë të qarta rrethanat që çuan në vdekjen e tij, ndërsa një pistë e fundit që po ndiqet është se helikopteri nuk ka qenë i pajisur me të gjitha pajisjet e duhura.
Sipas mediave të huaja, helikopterit i mungonte një detektor i cili do i tregonte drejtuesit të helikopterit dhe qendrës së trafikut ajror vendndodhjen e tyre të saktë.
Sipas këtyre burimeve, gjatë fluturimit të tyre ka pasur shumë mjegull duke ia bërë shumë të vështirë drejtuesit të helikopterit që të orientohej. Dyshohet se ai nuk e ka kuptuar se helikopteri ka qenë në lartësi të ulët dhe është përplasur me terrenin kodrinor në Los Angeles.
Mirëpo nuk kanë munguar edhe teoritë e frikshme për vdekjen e tij. Më i fundit vjen nga reperi i famshëm amerikan Silento.
Ky i fundit përmes një postimi në Twitter shprehet se nuk ishte thjesht një aksident por një vrasje e paramenduar. Ai thotë se edhe ndaj tij janë bërë atentate të tilla.
“Koby Bryant ishte një vrasje e planifikuar, ashtu siç donin të ma bënin mua. Unë iu shmanga një atentati. Mos besoni askënd, kjo është një industri e pisët”, shkruan ai në Twitter.
Silento është këngëtari i super hitit “Watch Me” që ka arritur deri më tani 1.7 miliardë klikime.
