E diel, 28 Nëntor, 2021
12.5 C
Tirana

KLP pezullon nga detyra dy prokurorët

KLP ka pezulluar nga detyra prokurorët Sota dhe Karriqi. Me 10 vota pro, KLP pezulloi nga detyra prokurorët Edmond Karriqi dhe Maksim Sota, për shkak të masës së sigurisë personale vendosur nga Gjykata e Posaçme Kundër Korrupsionit dhe Krimit të Organizuar.

Pezullimi i dy prokurorëve do të zgjasë deri në përfundim të hetimeve nga SPAK, për këta prokurorë dhe sqarimin e pozitës së tyre.

Maksim Sota u arrestua gjatë megaoperacionit “Shpirti” dhe aktualisht ndodhet në “arrest shtëpie”. Ai e ka nisur punën në krye të Prokurorisë së Vlorës në vitin 2010, dhe ka qëndruar aty deri në vitin 2019, një periudhë me problematikë të theksuar për kriminalitetin. Prokuroi Sota ende nuk e ka kaluar Vettingun.

Ndërsa prokurori Edmond Karriqi është arrestuar për korrupsion, pasi akuzohet se ka pushuar çështjen për disa persona që ishin arrestuar për trafik droge.

Prokurori akuzohet si i përfshirë në korrupsion, ndërsa arrestimi i tij ndodhi gjatë kohës që ai ishte në qendër të Kavajës. SPAK përmes përgjimeve ka arritur të provojë se Karriqi ka marrë 2 mijë euro rryshfet, për lehtësimin e masës së sigurisë për një të pandehur.

Paratë i janë dhënë në dollarë, por nuk janë pranuar nga prokurori Karriqi dhe për këtë sekseri i ka kthyer ato në këmbim valutor në euro dhe më pas ia ka dhënë. Karriqi akuzohet nga SPAK për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”.

“Të hënën i çojmë lekët, ditën e mërkurë e ke bobin ke shpaja”, ishin përgjimet nga SPAK mes familjarëve të personit të arrestuar dhe sekserëve, për të ndërhyrë te prokurori Karriqi. I arrestuari për drogë Ramadan Dedja u lirua në 2019 falë rryshfetit prej 2 mijë euro që mori prokurori i Kukësit, Edmond Karriqi, i cili pushoi çështjen. Ngjarja nis më 21 nëntor 2019, ku vëllai i të arrestuarit ka ndërhyre tek sekseri Isuf Gega që të ndërhynte tek prokurori Karriqi për të lehtësuar masën.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...