Klithma, forcë, dhunë, përplasje e lutje. Janë këto pamjet me të cilat u përball dje e gjithë Shqipëria, teksa dy familje kundërshtuan me forcë braktisjen e banesave të tyre te “Petro Nini”, duke çuar në një përplasje prej 6 orësh me efektivët e policisë, por edhe me punonjësit e përmbarimit.
Pamjet e transmetuara drejtpërdrejt nga mediat kanë qenë mjaft të trishta, teksa të gjithë u bëmë dëshmitarë të lutjeve e të qarave edhe të fëmijëve.
Por, ka disa pamje që shumë prej nesh nuk i kemi parë. Është momenti kur në një prej çasteve më kulminante e tensionuese të përplasjes, disa prej policeve femra janë përlotur nga e gjithë ajo që kishin përballë.
Edhe pse në një pozicion kundërshtues ndaj banorëve, teksa forcat e Policisë së Shtetit dje mbrojtën punonjësit e përmbarimit, policet e reja nuk kanë arritur ta fshehin dhimbjen dhe keqardhjen ndaj klithmave e lutjeve të atyre nënave.
Më poshtë fotot e publikuara nga dosja.al:
