E mërkurë, 22 Shtator, 2021
14.5 C
Tirana

Prindërit vdesin në aksident dhe lënë 4 vajza jetime, gjyshi apel për ndihmë

Një aksident tragjik në Peshkopi u mori jetën një çifti të ri, Gentian dhe Klodiana Karazajmi, 34 dhe 28 vjeç, të cilët banonin në fshatin Maqellarë.

Ata kanë lënë pas katër vajza të vogla, të moshës 14, 11, 8 dhe 2-vjeçe, me të cilat nuk dihet ende çfarë do të bëhet. Gjyshi i vogëlusheve ka kontaktuar me fondacionin “Fundjavë Ndryshe”, ku ka bërë apel që të ndihmojnë vajzat jetime, për shkak se familja ndodhet në varfëri ekstreme.

Menjëherë pas apelit, “Fundjavë Ndryshe” ka nisur fushatën për ndërtimin e një shtëpie për vajzat e vogla. Në një postim në Facebook, themeluesi i fondacionit, Arbër Hajdari u bën thirrje të gjithë shqiptarëve që të solidarizohen me rastin dhe të kontribuojnë sado pak të kenë mundësi, teksa jep edhe të dhënat mbi llogaritë bankare për rastin e dhimbshëm të vogëlusheve.

Postimi i Arbër Hajdarit:

Të Nderuar Miq,

Ditën e dielë ka ndodhur një aksident në Peshkopi ku humbi jetën një çift, Gentian dhe Klodiana Karazajmi, 34 – 28 vjeç.

Për të mos mjaftuar kjo dhimbje e madhe, prindërit kanë lënë 4 fëmijë jetimë, katër vajza të vogla të moshës 14, 11, 8 dhe 2 vjeç.

Familja jeton në varfëri ekstreme, në fshatin Maqellar. Nisur nga ky rast, i shpreh ngushëllimet familjes dhe nisim fushatën për një shtëpi për familjen. Gjyshi i fëmijëve bën apel, pasi familja nuk ka asnjë të ardhur dhe gjenden në situatë tepër të vështirë.

Të bëhemi bashkë të gjithë për tja lehtësuar sadopak dhimbjen!

Ju lutem shpërndajeni!

Një share/shpërndarje e këtij postimi ndihmon më shumë se mund ta mendoni.

- Reklama -

Më shumë nga kategoria




Të fundit

Për një parlamentarizëm antimafie, antikorrupsion

Nga: Pëllumb Nako Parlamenti filloi punimet nën një normalitet absolut. Sigurisht, u krijuan edhe komisionet përkatëse, të njëjtë si të viteve e dekadave më parë....

Alternime kthjellimesh dhe vranësira. Nesër priten teshje shiu të izoluara

Ditën e merkurë, vendi ynë pritet të jetë nën ndikimin e masave ajrore relativisht të paqëndrueshme. Moti parashikohet me alternime kthjellimesh dhe vranësira. Reshje shiu...

Artan Hoxha: Mund të arrestohen ish-kryeministra e ish-presidentë

Ambasadorja e SHBA-së në Tiranë Yuri Kim ka zhvilluar së fundmi një takim me 15 prokurorët e SPAK, ku ka përçuar mesazhe të rëndësishme....

Lajçak i shqetësuar për situatën në veri të Kosovës

Përfaqësuesi i BE për dialogun Kosovë-Serbi, Miroslav Lajçak, ka thënë se ka njoftuar vendet e BE-së për situatën në veri të Kosovës. Me anë...

Kurti takim me ambasadorët e QUINT-it, zbulon vendimin e fundit

Kryeministri Albin Kurti ka pritur sot në takim ambasadorët e vendeve të QUINT-it, ku është diskutuar lidhur me reciprocitetin e targave me Serbinë. Kurti...