Në orët e para të mëngjesit të ditës së diel, në hyrje të Tiranës një aksident tragjik mori jetën e dy prindërve dhe njërës nga vajzat. Ndërsa në gjendje të rëndë në spital ndodhet dhëndëri (drejtuesi i automjetit) dhe vajza e madhe e familjes Bibaj.
Babai, nëna dhe dy vajzat e tyre kishin qenë duke festuar një ditëlindje në një lokal në Elbasan, para se të ndodhte aksidenti. Pas festës, rrugës teksa ktheheshin në shtëpinë e tyre në Tiranë ata janë përfshirë në aksident.
Paraprakisht thuhet se i afërmi i tyre, që drejtonte mjetin udhëtonte me shpejtësi tej normave të lejuara.
Tirana Today ka siguruar pamje nga vendi i ngjarjes, të filmuara menjëherë pasi ndodhi aksidenti. Të parët që janë afruar për të dhënë ndihmën e parë kanë qenë udhëtarë të tjerë që u ndodhën në vendngjarje. Klithma dhe lot ka edhe nga disa vajza të cilat sipas burimeve bëhet me dije se janë të afërme të viktimave, që kanë qenë duke festuar sëbashku në Elbasan.
Në njoftimin e parë të Policisë u raportua se kanë ndërruar jetë katër persona. Kjo pasi nga Spitali Ushtarak u dha njoftimi se njëra nga vajzat e cila ndodhej në gjendje të rëndë u raportua se ndërroi jetë, por 27-vjeçarja kishte kaluar në vdekje klinike.
Por njëra prej vajzave ndodhur në gjendje kritike për jetën, pasi kur është raportuar se ndërroi jetë kishte kaluar në vdekje klinike.
Drejtues mjeti Arlintin Alia, 32 vjeç nga Puka, në gjendje të rëndë për jetën
Bardhok Bibaj. 62 vjeç Mirditë, ka ndërruar jetë
Valentina Bibaj 54 vjeçe Mirditë, ka ndërruar jetë
Florida Bibaj e bija 22 vjeçe, ka ndërruar jetë
Xh. Bibaj e bija, 26 vjeçe, është në gjendje kritike për jetën. /Tirana Today
