Kërkimi i drejtësisë për humbjen e 25-vjeçarit Klodjan Rasha, përshkallëzoi në dhunë mes qytetarëve dhe forcave të policisë. Në morinë e shumë personazheve të show-bizzit është edhe këngëtarja Jonida Maliqi. Ajo i është drejtuar me një mesazh qytetarëve në Instagram, për të protestuar paqësisht.
“Ishte e tmerrshme ajo që i ndodhi Klodianit dhe jam e sigurt që drejtësi do të ketë, por pse të sillemi si huliganë në vend që të protestojmë paqësisht?
Të djegim, të shkatërrojmë, të sillemi si kafshë… Kjo nuk është zgjidhje e problemit, kjo është injorancë”, shkruan Jonida e revoltuar në InstaStory.
Mbrëmjen e djeshme, polica përdor gazin lotsjellës mbi qindra protestues në Tiranë, që demonstronin kundër të shtënave të policisë ndaj një 25-vjeçari që kishte shkelur shtetrrethimin.
