Dita e shtunë e ka gjetur kryeministrin Rama sërish në terren në inspektimin e zonave të dëmtuara nga tërmeti që goditi vendin më 26 nëntor.
Sot ai ka qenë në Vorë, zonë në të cilën inspektimet janë duke përfunduar. Gjatë vizitës ai është takuar me banorët e zonës. Me të ka qenë e pranishme edhe ministrja e Energjetikës dhe Infrastrukturës Belinda Balluku.
Rama u ka kërkuar banorëve të bëjnë durim, pasi sipas tij, asnjë nuk do të harrohet. Nuk kanë munguar edhe batutat e zakonshme të kryeministrit me banorët. Në videon e mëposhtme ai shkëmben batuta me njërin nga banorët duke “ngacmuar” Ballukun.
“Kjo është shejtani më i madh, unë jam dyshi”, ka thënë me humor Rama për Ballukun.
Biseda me banorin:
Rama: Kjo është shejtani më i madh. Që po e tha e bo.
Kryefamiljari: Njësh është
Rama: Po njëshi është unë jam dyshi pas saj
Banori: Ka ardhur që pas tërmetit të shtatorit
Rama: Ne ato të shtatorit nuk i kemi harru janë në shënim puna vazhdon, por do cik durim kjo punë.
https://www.facebook.com/edirama.al/videos/2520949974608934/
