Kryeministri Edi Rama këmbëngul që data kushtetuese e zgjedhjeve nuk do të lëvizë, pra do të mbetet 30 qershori, ndërsa kryedemokrati Lulzim Basha nga Shkodra i është kundërpërgjigjur duke thënë se për të ndaluar një tirani të krimit ja vlen çdo sakfrificë.
Basha është shprehur se protestat e opozitës dhe qytetarëve janë një betejë për jetë a vdekje dhe se fati i saj është përcaktuar, fitorja e të gjithë shqiptarëve dhe fund i atyre që sipas tij duan të kthejnë tiraninë.
“Mendoj se mesazhet që kemi dhënë sot me rastin e një ngjarje kaq të rëndësishme janë kaq aktuale. Për të ndaluar një tjetër tirani të krimit ia vlen çdo sakrificë, çdo çmim. Unë, PD dhe të gjithë shqiptarët e bashkuar do të jemi më të bashkuar se kurrë për të ndaluar një tjetër tirani të krimit, një tjetër monizëm, por kësaj radhe të veshur me krim, korrupsion, oligarki babëzitëse që ka shkatërruar vendin dhe i ka mbyllur dyert e Europës. Kjo është tashmë një betejë për jetë a vdekje dhe fundi i kësaj beteje është përcaktuar. Do të jetë fundi i atyre që duan të kthehen në tirani dhe fitorja e të gjithë shqiptarëve dhe popullit të bashkuar.” u shpreh Basha.
Sipas Bashës sot kjo “tirani” është me petkun e vlerësimit dhe ngritjes së hiçit, të servilit, hanit, njeriut që përbuz familje, përbuz thesarin e paçmueshëm që çmojnë ata për një jetë të ndershme”.
“Një nga arsyet kryesore, pra është, se ne e lamë harresën të mbizotëronte mbi kujtesën, dhe kësisoj nuk I dhamë ndëshkimin e merituar moral, total, diktaturës komuniste dhe krimet e saj të përbindshme.
Përtej çdo dëmshpërblimi, financiar, moral, personal, që ky komb dhe ky shtet I ka borxh çdo të përndjekuri dhe çdo familjari apo pasardhësi, dhe për të cilin: po, për ti kthyer përgjigje zonjushës që më pyeti nëse do të ketë një ndryshim të ligjit, për të rivendosur atë në binarët e kushtetutshmërisë dhe për ta larguar nga modeli I poshtër që kaloi para disa vitesh, për të ndëshkuar familjarët e të përndjekurve. Për të treguar me dëshmi të pashlyeshme vendet, mënyrat, kohën se si, kush e bëri të mundur që për 50 vite krimi dhe vesi të qëndronin mbi vlerat.
Sepse vetëm kështu mund ta mundim këtë model që është i njëjtë, vetëm se jo i veshur me petkun e ideologjisë vrastare komuniste, është petku i vlerësimit dhe ngritjes së hiçit, të servilit, hajnit, njeriut që përbuz familje, përbuz thesarin e paçmueshëm që çmojnë ata që luftojnë për një jetë të ndershme. Këtë betejë mund ta fitojmë në afatgjatë vetëm nëse vendosin hierarkinë e vlerave mbi vesin.”, thotë Basha.
Denonco ne TT