Zbardhen detaje të tjera në lidhje me vrasjen e 28-vjeçarit, Vilson Tafçiu në zonën e Astirit në Tiranë.
Sipas BalkanWeb, i riu ka qenë duke konsumuar një kafe së bashku me dy vajza të tjera në një nga lokalet më të frekuentuara në zonën e Astirit. Në një moment ai është thirrur nga një person jashtë kafenes dhe sapo ka dalë jashtë ai është qëlluar.
Autori ende i paidentifikuar ka qëlluar disa herë mbi 28-vjeçarin, duke e lënë atë të vdekur në vend. Autori është larguar menjëherë pas vrasjes. Sipas gazetares Klodiana Lala, viktima jetonte në zonën e Institutit dhe kishte ardhur në Astir për të varrosur gjyshen që i kishte vdekur pak ditë më parë.
Dyshimet e para janë se ngjarja lidhjet me të shkuarën kriminale të viktimës. Tafçiu rezulton se është dëbuar më parë nga autoritetet franceze. Bëhet me dije se ai ishte akuzuar pak vite më parë për trafikun e 200 kg kanabis.
