Nënkryetari i LSI-së, Petrit Vasili, u largua më herët nga mbledhja e Këshillit Politik, teksa sqaroi edhe për gazetarët pse mori këtë vendim.
Mirëpo, në përpjekje për të sqaruar këtë vendim, ai bëri një lapsus. Në vend të thoshte se u largua nga mbledhja për të ruajtur Këshillin nga dëshira e shfrenuar e PS për ta kthyer në një “organizëm konsensual”, Vasili u shpreh gabimisht duke thënë “organizëm seksual”.
“Opozita si gjithmonë në këtë Këshill, ashtu siç bëri në marrëveshjen e 5 qershorit që e respektoi pikë për pikë, dhe sot po bën të pamundurën për të ruajtur Këshillin nga bojkotimi i anshëm i Partisë Socialiste, nga imponimi i njëanshëm i PS dhe dëshira e shfrenuar se saj për të kthyer Këshillin Politik si një organizëm seksual…organizëm konsensual në një instrument i cili thjesht dhe vetëm do të donte të imitonte permanentin e njëanshëm dhe një partiak që ekziston në Shqipëri”, tha ai.
